Në fund të viteve të 80-ta, isha ende në shkollen fillore edhe u patëm çu peshë ne fëmijët, dilnim në demonstrata. Kërkonim plotësimin e kërkesave të minatorëve të Trepçës dhe të mos bëheshin ndryshimet kushtetuese, përndryshe thonim se nuk e vazhdojmë më procesin mësimor.
Çka i dëgjonim prindërit në shtëpi, kërkonim ne fëmijët në shkollë.
Bile, u bëjshim edhe ngapak të dhunshëm; gjuanim gurë, e shanim policinë, i gjuanim objektet që ishin shtetërore, ani pse kemi qenë në njëfarë ambienti monoetnik, domethënë krejt shqiptarë.
Ajo që po dua të them është se ne ishim fëmijë dhe rrebelimi ynë i bënte nervoz tej mase familjet tona, që me të drejtë frikësoheshin sepse në oborr të shkollës vinin njësitë speciale prej Pejës.
Pra, kundër protestave tona (idiotike), frikësoheshin prindërit, mësuesit. Në mesin e protestave tona, ka qenë njëfarë burri me plis në kokë e me shqiponjë në të.
Ai gjujke i pari me gurë, e shajke milicinë. Neve na frymëzojke shumë sepse edhe ishte burrë i pjekur edhe u dokke trim.
Disa herë e patën arrestu policia, e kur u kthejke ma i fuqishëm, na frymëzojke edhe më shumë.
Mundem ma ia përmend edhe emrin por nuk ka kuptim prej pasardhësve të tij.
Sidoqoftë, më vonë e kuptuam se ai kishte qenë agjent i Serbisë, agjent provokator i inflirtuar prej milicisë serbe, i UDB-së, me fjalë të tjera kishte qenë spiun.
Çka po du me thënë? Çkado që fluturon nuk hahet edhe ai që shanë më së shumti Serbinë më së shumti.
Sot është 80 vjetori i lindjes së Ibrahim Rugovës.
Ibrahim Rugova e ka sha Serbinë më së paku, por e ka dëmtu më së shumti.
Tani, kthehemi te tema e Ibër Lepencit. Xhelal Sveçla doli e tha se i kanë arrestuar tetë serbë të dyshuar për aktin terrorist.
Prej tetëve që tha Xhelali, sot vetëm njëri është në burg.
Akshamin kur ka dalë sulmi terrorist, doli Kurti, i shajti krejt, i shajti gazetarët, portalët e tha Serbia e ka bë dhe përveç tjerash, tha ‘janë arrest edhe serbët’.
‘Sulm ndaj infrastrukturës kritike” – theksi duhet të vendoset te kjo ‘kritike’.
Po duan të na lënë pa ujë, pa rrymë, pa nxemje.
Secilit prej neve që e kish dëgju vetëm zërin e kryeministrit, e nuk do t’i shihte pamjet, secili prej neve do të ishte i bindur që ai detonim e ka çu hava atë hapësirë në një hapësirë në një perimetër prej 100 metra a më shumë.
Pamjet e treguan një birë e cila u sauna për 24 orë, masi punuan nja dhjetë burra.
Dëmi energjetik që u shkaktua prej sulmit, është kushedi sa herë më i vogël sesa dami që ia ka shkaktu Martin Berishaj e Nagip Krasniqi energjisë.
Mirëpo, vetë fjalët: shpërthim, dinamit, ekslpoziv, infrastrukturë kritike, ftohje e blloqeve të termocentraleve, ujë i pijes, ujitje, krejt munden me mendu prej kah mundet me ardhë ai sulm, kush mundet me na i bë krejt këto të zeza: Serbia.
Kushdo që mendon ndryshe, paguhet prej Serbisë.
Janë do tema që nuk ka nevojë as me diskutu, as me pasë fakte as me pasë prova.
Mjafton me thënë ai që bërtet i pari dhe më së shumti, ai është më patrioti.
Kushdo që mendon ndryshe, paguhet prej Serbisë, po don ta shfajësojë Serbinë, edhe po don ta sulmojë kryeministrin e vendit.
Unë e kuptoj opozitën që kjo temë e zë në pozitë të palakmueshme dhe mandej, këta ia turrin atë militantin e verbër.
Fatbardhësisht, unë nuk këroj vota, nuk kam dalë me kërku vota prandaj jam i lirë t’i them mendimet e mia qysh du, qysh unë e shoh.
Krejt veprimtaria aktuale e mediave, është në baza vullnetare, me dashtë na lexon, me dashtë nuk na lexon, plus që nuk na paguan qeveria.
Qysh unë e shoh, kjo më ndihmon mu t’i them opinionet e mia, të bazuara në fakte e jo në besime sepse këtu më ndihmon edhe e kaluara ime, e atij burrit që ka dalë ka bërtitë më së shumti kundër Serbisë, e në fund doli që ishte spiun i Serbisë.
Pra, unë mendoj që Vuçiqit dhe Serbisë më së shumti i ndihmon ai që i arreston tetë serbë, e mandej i lirion të tanë, shtatë (ndoshta edhe të tetin e lirojnë).
Vuçiqit dhe Serbisë i ndihmon ai që në natën kritike, del e bërtet që Serbia e ka kry këtë vepër, në mënyrë që ta pushtojë skenën politike në vendin tonë, ndërkaq kur takohet me ambasadorët e QUINT-it, thotë: “…besojmë se Serbia e ka kry” .
Nuk është argument valid ligjor, nuk është argument as fakti që Rusia e paska sulmu Ukrainën në infrastrukturë kritike një natë më herët edhe tash Serbia na sulmoi neve dhe këtu është lidhja.
Lypet më shumë se kaq.
Mirëpo, Albini nuk e ka hallin te fitorja diplomatike. E ka hallin të fitorja politike.
As nuk e ka hallin e fakteve të sulmit terrorist, por e ka hallin te votat e 9 shkurtit.
Ai nuk mërzitet a izolohet Kosova, për sa kohë mund të udhëtojë personalisht në Norvegji dhe në Greqi.
Çdo dështim personal në raportin tonë me Serbinë para bashkësisë ndërkombëtare, ai duke e njoftë votuesin dhe xhematin e vetë, e shet si një padrejtësi të radhës të Evropës kurvë ndaj popullit të lashtë dhe fisnik iliro-shqiptar, e do-do që thonë edhe pellazg.
Pas sulmit terrorist në veri, vitin e kaluar, Kosova doli më e izoluar ndërkombëtarisht sesa para sulmit.
Gjithashtu, në përputhje të plotë me agjendën dhe planin serb, shqiptarët kanë vazhduar të jenë më armiqësor dhe më të dyshimtë me perëndimin sesa para datës 14 shkurt 2021.
Fillimisht, shqiptarët ishin kundër Trumpit, e mandej u bënë edhe kundër Bidenit.
Pra, ndalu dhe mendo mirë, se çka kish dashtë Serbia me ndodhë me neve.
Ju tregoj, me na ndryshu kulturalisht, ta zhbëjë punën që është bë në 30 apo 40 vitet e fundit.
T’i kthejë shqiptarët fillimisht si politikë, e mandej edhe si shoqëri kundër Perëndimit.
Këto s’do të mund t’i bënte Shefqet Krasniqi sepse njerëzit do të thonin se po e bën për shkak të fesë.
Këtë po e bën vetëm një mendje djallëzore sikur kjo e Kurtit, i cili veç rrobat i ka ‘alla franga’.
Pra, Serbisë më së shumti i shërben duke iu dokë që je armiku kryesor i Serbisë.
Kushdo që sado pak i beson ideologjisë dhe veprimtarisë së Ibrahim Rugovës, kushdo që për çfarëdo arsye është i lidhur me luftën e UÇK-së, por që e mbështet Albin Kurtin, la ta di se është në trenin e gabuar dhe sa më herët që zbret prej atij treni, është më mirë për të por edhe për vendin.
