Në rezolutën më të ashpër deri tani të Parlamentit Evropian për Serbinë, përmenden një sërë kritikash dhe kërkesash serioze ndaj autoriteteve në Serbi.
Kjo rezolutë e PE për Serbinë është prodhim i veprimeve të të gjitha grupeve parlamentare, teksti është harmonizuar dhe do të jetë shumë më i ashpër nga të gjitha rezolutat e kaluar.
Në mes tjerash, Parlamenti Evropian shpreh shqetësim të thellë për rënien e sundimit të ligjit, të drejtave themelore dhe demokracisë në Serbi.
Kritikohet roli destabilizues që Serbia po merr në rajon, përfshirë drejtimin e ndikimeve të jashtme, dezinformimin dhe ndërhyrjet në punët e brendshme të shteteve fqinje.
Rezoluta nënvizon mbështetjen për studentët dhe protestat e tyre, si dhe kërkon që qeveria të përmbushë kërkesat për reforma demokratike dhe zgjedhje të lira.
Drejton akuza të qarta ndaj përfaqësuesve politikë për ushtrimin e dhunës, dobësimin e institucioneve dhe mungesën e llogaridhënies.
Përmendet përdorimi i forcës policore ose mjeteve të kontrollit, siç është “topi shurdhues” kundër demonstruesve paqësorë dhe kërkohet hetim i plotë për këtë.
Rezoluta propozon që ndihma financiare nga BE‑ja të lidhet ngushtë me përparimin në reforma, përfshi edhe mundësinë e suspendimit të fondeve nëse nuk përmbushen kushtet./Paparaci.com
