Mbrëmë ka ndodhur një aksident me fatalitet në rrugën magjitrale Vushtrri – Prishtinë, në segmentin rrugor në fshatin Pestovë, ku për pasojë ka humbur jetën 27 vjeçari Driton Jashari.
Burime të Veriu.info bëjnë të ditur se aksidenti ka ndodhur në kohën kur i riu ishte ndaluar nga një patrullë policor në këtë zonë dhe derisa ishte duke pritur kthimin e dokumenteve nga policia, është goditur nga një veturë që po qarkullonte.
Veriu.info mëson se Inspektorati Policor ka nisur trajtimin e rastit, me qëllim sqarimit të rrethanave se a ishte vendi i sigurt sipas protokolleve të policisë aty ku është bërë ndalja e automjetit të të ndjerit.
Qytetarët vazhdimisht kanë ankesa për ndalesa në vende të pasigurta nga policia në rrugë me shpejtësi të lartë.
Redaksia e Veriu.info ka tentuar të marrë një deklarim nga Inspektorati Policor nëse po trajtohet ky rast, por deri në momentin e publikimit të artikullit nuk ka pasur reagim.
Ndryshe, familja e viktimës ka bërë të ditur se varrimi i tij do të bëhet sot (e premte) në ora 15:11 në varrezat e lagjjes Arbëria (ish Dragodan) në Prishtinë.
