“Se cilat subjekte kanë qenë nuk kisha dashur ta them sepse nuk është korrekte nga ana ime për ato subjekte. Pse nuk kam dashur të përfshihem, arsye personale, fillimisht kam besuar që mund të jem pjesë e ndonjë liste dhe kam menduar që kontributi im ka me qenë i rëndësishëm, por përkundër asaj, duke e parë skenën politike dhe duke e parë se si po zhvillohen sidomos ditët e fundit, gjithë këto ngjarjet politike, kam vendosur që të mos jem pjesë e garës sepse duke marrë parasysh disa përjashtime, tashmë nuk zhvillohet më garë për Kosovën por garë në mes të emrave të përveçëm, se kush është më i keq, kush ka bërë më keq kush më mirë, ka pak prej atyre që dalin e tregojnë se çka do t’i japin Kosovës, çka do të bëjë, puna e tyre se si do të ndikojë mirë për Kosovën por më shumë ka rënë në rrafshin personal, të ofendimeve, linçimeve, dhe kjo ka qenë një prej arsyeve pse nuk kam dashur të jem pjesë e garës. Nuk e kisha ndier veten rehat edhe njëherë të kaloj nëpër gjithë ato linçime, sharje, fyerje të cilat i kam përjetuar në vitin 2021 sepse e di që në momentin që isha kyç te cilado qoftë parti, dikujt do t’i pengonte, s’ka lidhje te cila parti kisha shkuar, por megjithatë do të kishte persona që do t’u pengonte dhe do të fillonin fushatën që e shohim nëpër media e rrjete sociale”, ka thënë Daka.