Analisti politik Bekim Çollaku ka komentuar zotimin Presidentit amerikan Donald Trump për të normalizuar raportet mes Kosovës dhe Serbisë.Sipas tij, angazhimi i Trump në këtë fazë po ndodh në një moment kur Kosova ndodhet në një gjendje të brishtë politike.
“Jemi në fund të pozitës ku nuk po dalim dot në sipërfaqe. Jemi në një moçal politik i cili godet secilin dhe të gjithë janë të baltosur, sepse nuk e kanë vënë interesin e shtetit përpara interesave të tyre politike”, u shpreh ai.
Çollaku vlerësoi se qëllimi i Trump mund të jetë arritja e një marrëveshjeje e shpejtë dhe përfundimtare ndërmjet Kosovës dhe Serbisë,
“Nëse i referohemi kësaj deklarate, jam i sigurt që në periudhën në vazhdim ne duhet të presim që të ketë veprime konkrete nga administrata e Presidentit Trump kundrejt palëve – Kosovës dhe Serbisë, për përgatitje të terrenit për një marrëveshje të tillë. Duke e njohur natyrën se si vepron Trump, ai sigurisht që Kosovën dhe Serbinë nuk i merr me të mirë dhe nuk u jep kohë siç i ka dhënë konfliktit të Ukrainës me Rusinë. Jam i sigurt se involvimi nënkupton marrëveshje të shpejtë, përfundimtare”, deklaroi Çollaku në Rubikon.
