Presidenti i Këshillit Evropian Antonio Costa, në një konferencë për media të mbajtur në Prishtinë, është pyetur edhe për sulmin e ndodhur në Banjskë në shtator të vitit 2023, konkretisht për llogaridhënien e Serbisë ndaj këtij sulmi dhe vazhdimin e dialogut Kosovë-Serbi.
Costa para gazetarëve deklaroi se palët duhet të përqëndrohen tek e ardhmja e begatë e Bashkimit Evropian.
“Bashkimi Evropian është projekt për paqe. Bashkimi Evropian ka lindur nga hiri i luftës së dytë botërore. Bashkimi Evropian ka lindur kur dy pjesëmarrësit e mëhershme, Gjermania dhe Franca kanë vendosur që t’i tejkalojnë mospajtimet dhe të përqëndrohen në një të ardhme të begatë dhe përparimtare. Kjo është storia e Bashkimit Evropian dhe e ardhmja e Bashkimit Evropian. Të gjithë ne kemi pasur ca probleme me fqinjët tonë në të kaluarën. Nganjëherë probleme shumë dramatike, por ne duhet të vendosim se çka duam të ndodhin me vlerat, të ardhmën e përbashkët apo luftimet e të kaluarës, kur kemi luftuar me njëri-tjetrin. Ne duhet të përqëndrohemi në të ardhmën e përbashkët”, deklaroi Costa.
