Mefail Bajqinovci, deputet i VV-së, përmes një postimi në rrjetin social facebook, thotë se propaganda e atyre që kanë keqpërdorur shtetin për dekada është vetëm përpjekje e dëshpëruar për të mbajtur gjallë një epokë që ka përfunduar përgjithmonë, por ai harron skandalet e qeverisë aktuale duke mos i zënë në gojë fare, raporton Gazeta Online Veriu.info.
Sipas Bajqinovcit, modeli i keqqeverisjes dhe korrupsionit është varrosur, por ai heziton të flasë për intervistimet e ministrave nga prokuroria e shtetit, e madje asnjë fjalë për skandalet me grante e tendera.
Postimi i plotë:
“S’ka kthim mbrapa!
Propaganda e atyre që e kanë keqpërdorur shtetin për dekada, ose ndryshe hajnat e ligës së parë dhe të dytë, është vetëm përpjekje e dëshpëruar për të mbajtur gjallë një epokë që ka përfunduar përgjithmonë.
Modeli i keqqeverisjes dhe korrupsionit është varrosur.
Ata që ëndërrojnë kthimin në pushtet, le ta harrojnë – kjo epokë ka marrë fund! Zëri i qytetarëve është i fuqishëm dhe i pandalshëm” – shkruan Bajqinovci.
