Enver Hasani kishte denoncuar publikisht dekanin e Fakultetit Juridik të UP-së, Avni Puka, se kishte diplomën false dhe se është avancuar kundërligjshëm duke bërë plagjiaturë.
Hetimet e nisura për këtë rast, i kishte mbullur Prokuroria Themelore në Prishtinë me 16 prill 2025.
Por. sivjet rasti është ri-hapur, pasi prokurori i shtetit ka autorizuar Policinë për nisje të hetimeve pas pretendimeve të profesorit Enver Hasani mbi vërtetësinë e diplomës së Dekanit të Fakultetit Juridik, Avni Puka.
Veriu.info mëson se me vendim të U.D. Kryeprokurori i Prishtinës, Arianit Salihu, është përjashtuar nga rasti prokurori paraprak i kësaj lënde, Nazmi Krasniqi, dhe në vend të tij është caktuar prokurori Ardian Mehmeti.
Siç mëson Veriu.info, deri te ky ndryshim i prokurorit të rastit ka ardhur, pasi që ish kryetari i Gjykatës Kushtetuese, Enver Hasani ka bërë kërkesë për përjashtimin e prokurorit Nazmi Krasniqi, pasi që pretendon se i njëjti është në konflikt interesi për shkak se është dhëndër i Jetish Malokut, mikut të afërt të Aleksander Lumezit.
Burime të Veriu.info bëjnë të ditur se Enver Hasani pretendon se prokurori paraprak Nazmi Krasniqi i ka dhënë kahje tjetër këtij rasti, duke e mbyllur përfundimisht me një raport.
