Sonte është dita e finales së Kupës së Kosovës në Basketboll.
Trepça do të përballet me Bashkimin, ndeshje e cila zhvillohet në ”Pallatin e Rinisë dhe Sporteve” në Prishtinë, më fillim nga ora 19:00.
Plot tetë trofe të Kupës së Kosovës kanë fituar të dyja skuadrat së bashku.
Mitrovicasit prijnë bindshëm me shtatë trofe, kurse prizrenasit e kanë fituar vetëm një trofe në histori.
Trepça është fituese e Kupë së Kosovës në tre sezonet e fundit, 2022, 2023 dhe 2024 ndërsa e ka fituar këtë trofe edhe gjatë viteve; 1993, 2000, 2004, si dhe 2012.
Në anën tjetër, Bashkimi trofeun e vetëm të Kupës së Kosovës e ka fituar në vitin 2001.
Sonte pritet spektakel në ”Pallatin e Rinisë dhe Sporteve”, pasi janë shitur të gjitha biletat për këtë super ndeshje.
