Emri i Atilla Kardesh u lakua shumë në media pas hyrjes së tij në Big Brother Vip Kosova, si banor i shtëpisë.
Pati reagime nga më të ndryshmet, se si një person ndaj të cilit ka akuza se ka ushtruar dhunë fizike ndaj ish- bashkëshortes së tij, Drenusha Latifit, iu lejua pjesëmarrja në një format të tillë.
E lidhur me këtë, IndeksOnline ka siguruar një dokument/ çertifikaë mbi dënimet penale.
I njëjti dokument dëshmon të vërteten rreth çështjes së Kardesh, shkruan IndeksOnline.
Në këtë çertifikatë dëshmohet se ai nuk është i dënuar me aktgjykim të formës së prerë.
Vlen të përmendim faktin, se vetë Drenusha është zotuar se ishte gati për t’i dhuruar një përqafim ish- burrit të saj, në rast se ky i fundit do t’i kërkonte falje për të kaluarën.
Poashtu, IndeksOnline ditë më parë pati raportuar se edhe vetë Drenusha paraprakisht, para hyrjes në Big Brother Vip Kosova ka qenë në dijeni se edhe Kardesh të jetë njëri nga banorët e këtij formati.
Kujtojmë se Drenusha dhe Atilla të cilët janë edhe prindër të dy fëmijëve, vendosën të ndajnë rrugët pas 10 vitesh martesë.
