Muhedin Ibishi duke jetuar e punuar në vendlindje e tij, si mësimdhënës në shkollën SH.M.L.T ‘’Arkitekt Sinani’’ në Mitrovicë njëherit edhe përfaqësues i Suhadollot ishte aktiv në grumbullimin e materialit për krimet serbe ndaj popullatës shqiptare në Suhadoll.
Autori ka qenë i vetëdijshëm se vetëm ajo çka është e shkruar do të mbesë, ka kryer një mision të rëndësishëm sa personal po aq edhe moral, duke i dhuruar vendlindjes dhe bashkëvendësve të tij një botim i cili pasqyron të kaluarën e vendlindjes së tij.
Ndërsa në librin monografik “Krimet Serbe në Suhadoll 1998/99 “, autori i ka paraqitur realisht krimet serbe, debimet e popullatës shqiptare nga shtëpitë e tyre, vrasjet, plagosjet e deri tek varrezat masive të ndodhura në Suhadoll.
Nuk ka dilemë se me ketë botim autori ka nderuar të rënët për lirinë e Kosovës që sot e gëzojmë sepse ka shkruar një libër më plot pasion dhe përkushtim.
Materiali i mbledhur për një periudhë të gjatë kohore sot është publik dhe do ta vlerësojë opinioni i gjerë.