Sot ka dështuar për herë të 20-të të konstituohet Kuvendi i Kosovës.
Formimi i një Komisioni për votim të fshehtë i hedhur në votim nga kryesuesi i seancës, Avni Dehari, dështoi si herët e tjera.
Në lidhje me këtë ngërç institucional dhe si duhet të veprohet tutje, ka folur për “Gazeta Blic”, ish-deputeti i AAK-së, Shemsedin Dreshaj.
Dreshaj tha se ai që mban pushtetin ka përgjegjësinë kryesore.
Ish-deputeti dhe zyrtari i lartë i AAK-së potencoi se dështimi i sotëm i mbledhjes së Kuvendit dëshmon se VV-ja po pengon jetën politike dhe krijimin e institucioneve në vend.
“Ai që mban pushtetin ka përgjegjësinë kryesore—populli ia ka besuar. Vox populi, vox Dei!Dështimi i sotëm i mbledhjes së Kuvendit dëshmon se VV po pengon jetën politike dhe krijimin e institucioneve në vend. Krijimi i strukturave te Kuvendit është, Conditio sine equanon.Kjo pasi qe një strukturë që nuk është krijuar, nuk mund të zhbehet! Nisma e VV-së për krijimin e komisionit për votim të fshehtë në Kuvend paraqet edhe një pengesë tjetër në procesin e krijimit të strukturave shtetërore. Siç duket, Albini ka pasur frikë se mos po votohet Albulena dhe kështu zhbllokohet krijimi i Kuvendit. Në këtë rast, formimit të qeverisë i mbeten 25 ditë nga VV, ose eventualisht edhe 10 ditë nga partia e dytë, që është në mandatin e Presidentes” tha Dreshaj për “Gazeta Blic”.
Dreshaj tha se gjendja në të cilën ndodhet vendi kërkon ndërgjegjësimin e të gjithëve që vendi të dalë nga kjo krizë.
“Situata aktuale politike ende nuk ka krijuar një masë kritike politike për ndryshime, prandaj rezultati i votimit nesër nuk pritet të sjellë ndonjë ndryshim.
Gjendja në të cilën ndodhemi kërkon ndërgjegjësimin e deputetëve, subjekteve politike, aktorëve të jetës publike si akademia, mediat dhe shoqëria civile, që të ndërhyjnë për ta nxjerrë vendin nga kjo krizë” tha Dreshaj në përgjigjen e dhënë për “Gazeta Blic”.
Sot në seancën konstituive të Kuvendit, partitë opzoitare sërish abstenuan në votim.
Ndërsa 53 deputet votuan për, kundër nuk pati po ashtu edhe abstenim nuk kishte.
Të dielen pritet të mbahet seanca e 21 me radhë me përpjekjen për konstituimin e Kuvendit.
