Zëdhënësja e policisë për rajonin e Prishtinës, Flora Ahmeti, konfirmon për Express se sot rreth orës 17:00, policia është njoftuar për një aksident në rrugën Prishtinë-Podujevë, ku është përfshirë një automjet.
Në aksident është lënduar një person i cili është dërguar për tretman mjekësor, tha Ahmeti.
Ajo shtoi se “me rastin po merret njësiti i trafikut rajonal”.
Ahmeti konfirmoi se aksidenti i dytë ndodhi rreth orës 18:20 në rrugën Prishtinë-Podujevë, konkretisht në Lluzhan ku janë përfshirë dy automjete.
Si pasojë e aksidentit dy persona janë lënduar, konfirmoi Ahmeti për Express.
“Personat e lënduar janë dërguar për tretman mjekësor ndërkohë që me rastin po merret njësiti i trafikut rajonal”, tha ajo.
