Gazetari Gazmend Morina ka thënë se vrasja e rreshterit të policisë në Kaçanik ka qenë e organizuar.
Ai në “Politiko” ka deklaruar se ky është një atentat mafioz i organizuar, përderisa dy persona arrijnë që të shkojnë afër stacionit të policisë duke kryer atentat ndaj një polici dhe largohen pa lënë gjurmë.
“Autorët kanë qenë tepër mirë të organizuar, kjo për mendimin tim në Kosovë edhe vrasjet e ditëve të kaluara po e kthen një frymë të vrasjeve të Shqipërisë, për shkak se është një atentat mafioz i organizuar, përderisa dy persona arrijnë me vetëbesim të plotë me shku afër stacionit të policisë ku e ka banesën, tu e ditë që polici është i trajnuar edhe në përdorim të armëve edhe në vetëmbrojtje me marrë guximin me e kry një atentat ndaj tij dhe mu largu shumë qetë nga vendi i ngjarjes pa lënë gjurmë, kjo për mua paraqet një vrasje shumë të organizuar”, ka thënë Morina. /Gazeta10
