Analisti politik Valon Syla ka deklaruar se marrëdhëniet e kryeministrit Albin Kurti me Shtetet e Bashkuara të Amerikës tashmë janë inekzistente dhe, sipas tij, kështu do të mbeten përgjithmonë.
Megjithatë, ai thekson se Kosova duhet të dalë nga kjo situatë, shkruan Gazeta Metro.
Syla reagoi pas deklaratës së ish-ambasadorit amerikan Jeffrey Hovenier, i cili tha se Kurti nuk i ka më marrëdhëniet e mira me SHBA-në.
“Ka mbetur vetëm me ia ndalu Albinit edhe Greqinë, që të mos shkojë më në det me shoqërinë e Dejanës Mihaili”, ironizoi Syla.
Ai shtoi se Kurti nuk do të ketë më mundësi të bashkëpunojë me SHBA-në, por se në këtë situatë është e domosdoshme të shpëtohet Kosova.
“Sa i përket partneritetit me SHBA, sa të jetë gjallë, atij ia kanë fikur dritat. Nga kjo situatë duhet shpëtuar Kosova, sepse Albin Kurti e pati – mot e për jetë. Pikë”, shkroi Syla.
