Një person ka ndërruar jetë në vendin e punës në një objekt banesor në Skenderaj, raporton Gazeta Online Veriu.info.
Bëhet fjalë për një punëtor që punonte në një objekt banesor të Rroni-t Group në Skenderaj.
Vdekjen e këtij punëtori e ka konfirmuar pronari i kompanisë Rroni-t Group, Armend Tahiri, i cili për Veriu.info ka thënë se punëtori ka vdekur pasi ka pasur sulm kardiak gjatë kohës sa ishte duke punuar brenda objektit banesor.
“Fatkeqësisht një punëtor ka vdekur brenda objektit banesor, pasi ka pasur sulm kardiak gjatë kohës sa punonte. Ai pra as nuk është rrëzuar nga skelet dhe as nuk ishte duke punuar jashtë objektit”. – ka deklaruar ai.
Veriu.info është në përpjekje për të marrë konfirmim zyrtar nga Spitali, dhe deri tani nuk kemi një konfirmim zyrtar për shkaqet e vdekjes.
