Vazhdon degradimi në menaxhimin e KRU “Mitrovica” pas zgjedhjes së kryeshefit ekzekutiv, Bashkim Kurti, raporton Gazeta Online Veriu.info.
Njoftimet e kësaj kompanie nuk përmbajnë asnjëherë suksese, por vetëm informim të qytetarëve për ndëprerje të ujit.
Një njoftim i tillë ka ardhur sonte ku KRU Mitrovica njofton për ndërprerje të ujit në Mitrovicë dhe Skenderaj.
Kjo si pasojë e defekteve në impiantin në Shipol.
Këto janë problemet e vazhdueshme që po e përcjellin këtë ndërmarrje pas zgjedhjes së kryeshefit Bashkim Kurti në këtë ndërmarrje kundërligjshëm sipas vendimit të Inspektoratit të Punës të datës 26.11.2021.
Ju sjellim njoftimin e plotë të KRU Mitrovica:
NJOFTIM
Si pasojë e lajmërimit të disa defekteve në Impiantin për Trajtimin e Ujit në Shipol, është ndërprerë operimi i ITU-së dhe njëkohësisht edhe furnizmi me ujë të pijes për Mitrovicë dhe Skenderaj.
Ekipet e mirëmbajtjes janë duke punuar në sanimin e defekteve dhe në momentin që kemi informta të reja do u lajmrojmë me kohe.
Ju faleminderit për mirëkuptimin tuaj!
