Më 11 korrik 2024 Veriu.info kishte raportuar se si objekti banesor i kompanisë “Remo Com” në Mitrovicë po ndërtohet pa krijuar kushtet e parapara ligjore për marrjen e masave të sigurisë. Publikimi i këtij artikulli ishte përcjellë edhe me publikimin e pamjeve të objektit, ku nuk ishin vendosur skelet.
Pas raportimit të Veriu.info, të nesërmen Inspektorati i Punës kishte dalë të inspektoj këtë vendpunishte ku i kishte ndaluar punimet e punëkryerësit “Mali – R” në objekt banesor të kompanisë “Remo Com”.
Veriu.info më pas kishte kërkuar qasje në dokumente publike në Inspektoratin e Punës, për të parë raportet e inspektimit në këtë vendpunishte dhe masat ligjore që ishin ndërmarrë ndaj shkelësve të ligjit.
Në dokumentet që Inspektorati i Punës i ka ofruar qasje gazetës Veriu.info, shihet se zyrtarët e Inspektoratit të Punës në raportin e hartuar pas inspektimit më datë 12 korrik 2024, kishin konstatuar se në vendpunishten ku ndërtohej objekti banesor i kompanisë “Remo Com” nga punëkryerësi “Mali – R” nuk ishin ndërmarrë masat për parandalimin e rreziqeve në punë nga lëmi i Sigurisë dhe Shëndetit në Punë.
Pesë ditë pas ndalimit të punimeve, kompania kishte lajmëruar me shkrim Inspetorët e Punës dhe kishite kërkuar të bëjnë inspektimin e punishte, me pretendimin se i kishin eliminuar shkeljet ligjore për marrjen e masave mbrojtëse për sigurinë dhe shëndetinë ne vendpunishte. Më datë 19 korrik inspektorati kishte nxjerrë vendim për lejimin e procesit të punës në vendpunishten e “Remo Com” nga “Mali – R”.
Në fund të muajit gusht 2024 Inspektorati i Punës kishte marrë vendim për shqiptimin e masës ndëshkimore për punërkryerësin “Mali – R”, pasi që ishte konstatuar se gjatë punimeve në objektin banesor të kompanisë “Remo Com” ishte bërë cenimi i Ligjit për Sigurinë dhe Shëndetinë në Punë, me ç’rast i janë shqiptuar punëkryerësit dy (2) gjoba në vlerë prej një (1) mijë secila.
Në vendmin për shqiptimin e masave ndëshkimore, Inspektorati i Punës kishte cekur saktësisht shkeljet ligjore që janë raportuar nga Veriu.info.
Në arsyetimin e vendimit të Inspektoratit të Punës thuhet se në vendpunishten e investitorit “Remo Com Ing Sh.P.K.”, subjeit juridik punëkryerës “Mali – R” nuk kishte të plotësuara skelet në disa vende, sidomos në qoshe të objektit dhe ato nuk ishin të lidhura me njëra tjetrën.
Për më tepër, në arsyetim tregohet se inspektorët e Punës në këtë vendpunishte gjatë muajit maj kishin pasur dy vizita inspektuese dhe se i ishte tërhequr vërejtja kompanisë që të bëjë përcjelljen e objektit me skele mbrojtëse dhe sipas nevojës edhe me rrjeta mbrojtëse, por që punëkryerësi nuk i kishte përfillur vizitat dhe sygjerimit e inspektoratit të punës./Veriu.info
