Lëvizja Vetëvendosje sot ka filluar me procesin e nominimit të kandidatëve për kryetarë të komunave, tashmë kur kanë mbetur edhe pak muaj nga mbajtja e zgjedhjeve të rregullta lokale, raporton Gazeta Online Veriu.info.
Sot në praninë e Albin Kurtit nominimin edhe për një mandat e ka marrë kryetari aktual i Kamenicës, Kadri Rrahimaj, i cili do të jetë sërish kandidat për kryetar të kësaj komune nga radhët e Vetëvendosjes.
Gazeta Online Veriu.info ka mësuar ekskluzivisht nga burimet e saj brenda kësaj partie se ditët në vazhdimisht pritet të konfirmohen edhe kandidaturat e Shpejtim Bulliqit për komunën e Podujevës, Alban Hyseni për Gjilanin dhe Qemajl Aliu për komunën e Shtimes.
Këto burime bëjnë të ditur se kandidaturat tjera do të bëhen publike gjatë muajit qershor.
