Futbollisti i njohur kosovar që luan në ekipin belg “Royal Antwerp”, me të cilin u shpall kampion i Belgjikës, ka njoftuar këtë arritje me një postimi tepër emocionues, raporton Gazeta Online Veriu.info.
Ai ka thënë se ka punuar fort që të bëhet futbollist profesionist, por kurrë se kishte menduar që do të shpallej kampion me një ekip evropian.
Ai ka ndarë një fotografi nga shkolla fillore dhe një nga shpallja kampion, duke shfaqur me krenari rrugëtimin nga Kosova në Evropë si kampion.
Postimi i plotë i tij:
Mes këtyre dy fotove, ka shumë vite, por edhe shumë emocione. Dua ta ndajë me ju momentin më të madh të karrierës sime duke e bashkangjitur me një kujtim nga shkolla fillore.
U rrita në rrugët e Kosoves, duke luajtur futboll me shokët e lagjes, jetoja vetëm me një qëllim, të bëhem futbollist profesionist, të luajë në arenën ndërkombëtare, të jem sikur ata në televizion, por të jem kampion në një shtet europian, se kam mendu kurrë. Qdo ditë punova fort dhe besova edhe pse shumë herë u theva nga pikëllimi. Se plani i Zotit është më i miri për ju, e dëshmova me karrierën time.
Të gjithë ju që më përkrahët, ju faleminderit.
Faleminderit familjarëve, shokëve, juve sportëdashës, të gjithëve.
Dhe për fund, dua ta falendëroj vetën! Faleminderit Arbnor, që nuk e lejove vetën të mposhtësh kurrë!
⚒ 🦅❤️
