Kryetari i klubit futbollistik “Vitia”, Mirsad Sylejmani ka hedhur kritika të ashpra ndaj FFK-së dhe konkretisht ndaj kryetari të kësaj federate, Agim Ademi, raporton Gazeta Online Veriu.info.
Sylejmani ka njoftuar se do ta padisë FFK-në për largim të qëllimshëm nga liga e parë, për shkelje të fair play financiar dhe atij në fushë.
Kryetari i FC “Vitia” pretendon se është dëmtuar si klub pasi ka dalë kundër Agim Ademit në garën për të parin e FFK-së, pasi e ka cilësuar atë si mafioz dhe stilin e funksionimit të FFK-së si stil mafioz.
“ Kam qenë dhe jam pro ndryshimit sepse jam i bindur se nuk mund të ketë zhvillim të futbollit me strukturë “mafioze”, futbolli ynë mund të zhvillohet vetëm me organizim profesional, me transparencën dhe llogaridhënie jo vetëm për paratë e shpenzuara të dedikuar për futbollin, por edhe për respektin të normave statutare dhe “Fair-Play”.”- shkruan Sylejmani.
Shkrimi i plotë i tij:
Të nderuar futbolldashës,
Unë Mirsad Sylejmani donator dhe pronar i FC “Vitia” kam marr udhëheqjen e klubit me qëllim të kjartë zhvillimin e tij në dobi të rinisë tonë.
Duke qenë kryetar i klubit dhe financues i vetëm më binte barra edhe të shihja nga afër problemet dhe organizimin në FFK.
Pasi që kam parë organizimin në FFK te stilit “mafioz”, ku gjithçka lidhe me “BOSSIN” – Agim Ademin, si kryetar i FC “Vitisë” kam kërkuar dhe jam rreshtuar pro ndryshimit në FFK.
Kam qenë dhe jam pro ndryshimit sepse jam i bindur se nuk mund të ketë zhvillim të futbollit me strukturë “mafioze”, futbolli ynë mund të zhvillohet vetëm me organizim profesional, me transparencën dhe llogaridhënie jo vetëm për paratë e shpenzuara të dedikuar për futbollin, por edhe për respektin të normave statutare dhe “Fair-Play”.
Si mund të presim “Fair-Play” nga futbollistët kur kryetari dhe KE i FFK-së janë shkelesit e normës kryesore të futbollit.
Si mund të dënosh një anëtar të futbollit në FFK duke u thirrur në rregullore dhe Statut, kur kryetari dhe KE janë shkelësit e tij.
Gjatë gjitha kampionatit FC “Vitia” është demtuar nga gjyqtarët “sigurisht me direktiva” të Agim Ademit ngase nuk kemi pranuar të jemi pjesë e “klanit mafioz” të tij.
Ju njoftojmë se beteja e jonë për “Fair-Play”, drejtësi dhe ndryshim do të vazhdojë
Me të përfunduar kampionati FC “Vitia” do ta padisë FFK-në :
1. Për largim të qëllimshëm nga Liga e Parë,
2. Për shkelje të “Fair-Play” finaciar dhe
3. Për shkelje të “Fair-Play” në fushën e lojës, dëmtin direkt në lojët dhe rezultatet e ekipti tonë.
Klubi ynë dëmtua nga FFK në ndarje të e buxhetit të FFK-së, ne ishim të pabarabar në raport me klubet tjeta të cilat u favorizuan me finacim nga buxheti i FFK-së. Ky ka qenë faktor që na ka penalizuar për renie nga Liga dhe ky do të jetë objekt i padisë kundër FFK-së.
Demtimi me ndarje të drejtësisë -referimit diskriminuese ndaj FC “Vitisë” dhe favorizuese ndaj kundërshtareve tone ne lojën gjithashtu do të jetë pjesë e padisë kundër FFK-së dhe Agim Ademit.
FC “Vitia” të gjitha fakte dhe ofertat për tu bërë pjese e nje klani mafioz për të shpëtuar nga Liga dhe për të perfituar financiarisht nga FFK do të i prezantoj në Gjykatë.
FC “Vitia” ka rënë nga liga, por nuk është nënshtruar pavarësisht kërcenimeve dhe as nuk kemi shitur dinjitetin dhe karkterin tonë për tu bërë pjesë e një “klani mafioz” që e udhëheq Agim Ademi. Të kota ishin përpjekjet për të na blerë e për të na joshur duke tentuar që të ndrrojmë pikëpamjet, bindjen dhe votën.
Sot më shumë se dje jam i bindur se me një udhëheqesi të tillë e cila para se të filloj gjithçka, përfundon çdo gjë duke u ditur botërisht se kush bëhet kampion, kush hy e kush bie nga liga – nuk do koment më shumë veç se të ju themi, ne ishim këtë vit, edicionin e ardhshëm do të jetë një viktimë një tjetër klub që do ta përcjellë fati ynë.
FC “Vitia” këtë vit ka rënë një rang më poshtë në futboll, por jam i bindur se nuk do të jetë e largët dita kur “klani mafioz” në FFK do të bie përgjithmonë.
Ndryshimi do të ndodhë në të mirë të futbollit tonë.
