Dhuna në palestrat e Kosovës fatkeqësisht ka filluar të shtohet secilën e herë e më shumë duke ia humbur imazhin e mirë basketbollit kosovar, shkruan Veriu.info.
Një skenë e tillë ndodhi edhe para dy ditësh në palestrën Minatori ku tizofët ndërpren për disa minuta ndeshjen mes Trepçës dhe Pejës, duke gjuajtur gjësende në drejtim të ekipit mysafir.
Por jo vetëm tifozët u përfshin në dhunë, ishte edhe nënkryetari i klubit Trepça, Lindrit Misini, që sulmoi drejtorin e klubit Peja.
Kështu pretendon drejtori i Pejës, Arbër Elshani, i cili ka akuzuar Misinin për sulm fizik.
Po ashtu Federata e Basketbollit të Kosovës ka njoftuar për dënimet e ashpra ndaj klubit Trepça, ku në mesin e masave është edhe inicimi i masave disiplinore ndaj Lindrit Misini për realizim të sulmit fizik.
“Inicohet procedurë disiplinore ndaj Lindrit Misini (KB Trepca) për realizim të sulmit fizik” – thuhet në vendimin e FBK.
Dënimet tjera pêrfshijnë:
Vendimet për skuadrën e Trepçës:
KB Trepca dënohet me 500 Euro, konform nenit 48.18 të PG
KB Trepca dënohet me 600 Euro, konform nenit 49.4 t PG
KB Trepca dënohet me 1000 Euro, konform nenit 49.15 të PG
KB Trepca dënohet me 3 ndeshje pa praninë e shikuesve, konform nenit 49.18 të PG
Inicohet procedurë disiplinore ndaj Lindrit Misini (KB Trepca) për realizim të sulmit fizik
Nga dueli mes Trepçës dhe Pejës, janë dënuar edhe treshja e gjyqtarëve dhe delegati të deleguar nga FBK që gjykuan atë ndeshje.
Gjyqtarët Xhelal Mumini, Atdhe Gocaj dhe Visar Bunjaku, dënohen me dy xhiro mos delegim në Superligë, konform nenit 54.2 të PG
Vëzhguesi Azem Hoxhaj dënohet me dy xhiro mos delegim në Superligë, konform nenit 54.2 të PG
