Kryetari i Komunës së Vushtrrisë, Ferit Idrizi, ka shprehur ngushëllimet e tij për ndarjen tragjike nga jeta të të riut vushtrrias, Drilon Meniqi.
Përmes një telegrami ngushllimi, Idrizi ka shkruar se lajmi për vdekjen e Drilonit ka pikëlluar gjithë qytetin, duke u solidarizuar me familjen dhe të afërmit e tij në këto çaste të vështira.
“Na pikëlloi të gjithëve lajmi për ndarjen nga jeta e të riut vushtrrias, Drilon Meniqi. Në këto momente të rënda, i shpreh ngushëllimet më të thella familjes Meniqi, miqve dhe gjithë të afërmve të tij, duke bashkëndjerë dhimbjen për humbjen e parakohshme të Drilonit. Qoftë i përjetshëm kujtimi për të!”, ka shkruar Idrizi.
Drilon Meniqi humbi jetën si pasojë e aksidentit të rëndë që ndodhi në udhëkryqin për Begaj në Vushtrri, duke lënë në pikëllim familjen, miqtë dhe qytetarët e shumtë që e njohën.
