Në Akademinë e Kosovës për Siguri Publike (AKSP) në Vushtrri ka nisur zyrtarisht trajnimi për Gjeneratën e 62-të të kadetëve të Policisë së Kosovës. Sipas burimeve të “Vushtrria Press”, këtë vit trajnimin do ta ndjekin gjithsej 283 kadetë.
Në përbërjen e kësaj gjenerate janë përfshirë si pjesëtarë të gjinisë mashkullore, ashtu edhe të gjinisë femërore, duke reflektuar një balancë gjinore dhe përfaqësim gjithëpërfshirës. Po ashtu, pjesë e trajnimit janë edhe kadetë nga komunitetet jo shumicë që jetojnë në Republikën e Kosovës, çka dëshmon përkushtimin e institucioneve për ndërtimin e një force policore gjithëpërfshirëse dhe të integruar.
AKSP në Vushtrri mbetet një nga institucionet kyçe në përgatitjen profesionale të zyrtarëve të rendit, duke luajtur rol të rëndësishëm në fuqizimin e sigurisë publike në vend.
