Drejtoria për Arsim në Komunën e Fushë Kosovës ka bërë të ditur se fillimi i gjysmëvjetorit të dytë në të gjitha institucionet arsimore të komunës do të shtyhet deri më 19 janar 2026.
Sipas njoftimit zyrtar, vendimi është marrë për shkak të kushteve të pafavorshme atmosferike që kanë përfshirë ditët e fundit vendin. Reshjet e shiut dhe borës kanë krijuar vështirësi në qarkullim, ndërsa disa shkolla po përballen edhe me probleme në sigurimin e ngrohjes.
“DKA ka vlerësuar se nuk janë krijuar kushtet minimale për zhvillimin normal të procesit arsimor. Ky vendim është marrë në funksion të sigurisë së nxënësve dhe stafit arsimor, si dhe për të garantuar mbarëvajtjen e rregullt të procesit mësimor”, thuhet në njoftim.
