Futbollisti i Turqisë, Irfan Can Kahveci, ka folur lidhur me fishekzjarrët e hedhura pranë hotelit të ekipit në Prishtinë gjatë orëve të para të së martës, duke thënë se ato nuk ndikuan negativisht te skuadra, por përkundrazi i motivuan më shumë.
“Nuk na preku shumë. Ne prisnim gjëra të tilla. Ekipi ynë është një ekip i mirë, cilësor. Ata menduan se mund ta rrëzonin kombin turk, por kjo vetëm sa na motivoi më shumë. Ata nuk e njohin ose nuk e kuptojnë kombin turk”, u shpreh Kahveci për “Hurriyet”.
Mesfushori turk tha se synimi i ekipit është i qartë: Fitorja dhe rikthimi në skenën më të madhe të futbollit botëror.
“Shpresojmë që do të fitojmë dhe t’u japim fund viteve të mallit”, shtoi ai.
