Gjermania dështoi të siguronte një vend të përkohshëm në Këshillin e Sigurimit të Kombeve të Bashkuara, pas një vote të mbajtur të mërkurën.
Këshilli zgjodhi Austrinë dhe Portugalinë për një mandate dy vjeçar së bashku me Zimbabve dhe Trinidad dhe Tobagon.
Gjermania siguroi 104 vota në përpjekjen e saj për një nga dy vendet në këshill për Grupin e Evropës Perëndimore dhe të Tjerëve, me Portugalinë që mori 134 vota në favor të saj dhe Austrinë 131.
Kjo ishte një goditje për qeverinë e Friedrich Merz, e cila është përpjekur ta pozicionojë Berlinin si një zë udhëheqës në Evropë për çështjet globale.
Ministri I jashtëm gjerman, Johan Vadeful tha se arsyeja për këtë disfatë ishte roli udhëheqës i Gjermanisë në mbledhjen e mbështetjes për Ukrainën dhe marrëdhëniet e saj të ngushta me Izraelin.
Sipas tij nuk është një secret që Rusia ka nxitur retorikë kundër Gjermanisë dhe nuk e do një zë të tillë në Këshillin e Sigurimit.
Ndër të tjera Gjermania është gjendur vazhdimisht nën presion për të mbajtur një qëndrim më të ashpër kundër Izraelit për shkak të luftës në Gaza.
Këshilli i Sigurimit i Kombeve të Bashkuara ka pesë anëtarë të përhershëm – Kina, Franca, Rusia, Mbretëria e Bashkuar dhe Shtetet e Bashkuara. 10 anëtarë të tjerë janë të përkohshëm që shërbejnë me një mandat dy vjeçar dhe zgjidhen me votë nga Asambleja e Përgjithshme.
