Alternativa për Gjermaninë është shpallur si parti e ekstremit të djathtë nga zyra federale e shtetit për të mbrojtur kushtetutën.
AfD-ja doli e dyta në zgjedhjet e muajit shkurt, duke fituar 152 ulëse në parlamentin prej 630 ulëseve në Gjermani.
Parlamenti, ose Bundestagu, do të mbajë një votim javën e ardhshme për të konfirmuar Friedrich Merz si kancelar, duke i prirë koalicionit të socialdemokratëve të qendrës së majtë.
Liderët e AfD-së, Alice Widel dhe Tino Chrupalla kanë thënë se vendimi është “qartësisht i motivuar politikisht” dhe është “dëm i madh për demokracinë gjermane”. Ata argumentuar se partia e tyre po diskreditohet dhe kriminalizohet para ndryshimit të qeverisë.
AfD-ja tashmë ishte vendosur nën mbikëqyrje nën dyshimet për ekstremizëm në Gjermani. Agjencia e inteligjencës gjithashtu e kishte shpallur si parti e ekstremizmit të djathtë në tri lande në lindje të Gjermanisë, atje ku popullariteti është më i lartë.
AfD-ja, sipas agjencisë, nuk i sheh si shtetas gjermanë ata “me prejardhje kryesisht nga shtetet myslimane”. Gjithashtu nuk i sheh si të barabartë me gjermanët.
Ministria e Punëve të Brendshme ka deklaruar se vendimi është i qartë dhe nuk ka ndikim politik, pas rishikimit të raportit prej 1 mijë e 100 faqesh.
Pas këtij vendimi, AfD-ja nuk do të trajtohet si partitë e tjera, sidomos në parlament.
