Tensionet në shtëpinë e Big Brother Vip Albania nuk po ndalen, pas një nate të gjatë dhe diskutimi mbi raportin e Eglit dhe Gjestit, ky i fundit gjatë një bisede me banorët është shprehur se nuk ka ndjenja karshi Eglit, por se nuk po mundet të largohet nga ajo.
Njëra nga arsyet e mosdistancimit të tij është se situata mes tyre e ka çuar drejt depresionit këtë banore.
“Nuk mund të largohem prej saj sepse e shoh shumë keq dhe po hyj në depresion për vete.
Jam në gjendje shumë të rëndë o vlla. Rozana ma bëri mua: “Pse nuk e afron ti japësh dashuri?”, po sepse nuk e dua o vlla. Nuk e du more burrë, s’kam ndjenja. Po e afroj për këto pika vlla.
Ajo më do, nuk e kam ngatërruar lidhjen. Dhe unë pak a shumë në disa pika përshtatem me të. Më shumë s’ka o vlla. E di çfarë do bëj? Do duroj të qaj ajo qoshe më qoshe dhe unë të largohem prej saj dhe ajo të bëhet keq. Kjo është zgjidhja bab”, është shprehur Gjesti.
Në anën tjetër, Egli duket se është e përfshirë emocionalisht, derisa situata mes tyre po bëhet gjithnjë e më e ndërlikuar.
