Debati rreth sektorit të qumështit në Kosovë po vazhdon të marrë vëmendje, pasi në rrjetet sociale janë publikuar reagime që ngrenë dyshime për favorizimin e prodhuesve të huaj në dëm të atyre vendorë.
Vetëm një ditë pas publikimit të rezultateve të analizave nga institucionet përgjegjëse, është vërejtur promovimi i një marke të qumështit të importuar, gjë që ngre pikëpyetje mbi kohën dhe mënyrën e zhvillimit të kësaj fushate.
Në reagim thuhet se veprimet e fundit të Ministrisë së Bujqësisë dhe ministrit Armend Muja po interpretohen nga disa si një goditje ndaj prodhuesve vendorë dhe si hapje e rrugës për kompani të huaja dhe importues, megjithëse për këto pretendime nuk është ofruar ndonjë provë konkrete.
Autori i reagimit ka kërkuar gjithashtu që mediat të trajtojnë këtë fenomen në mënyrë të paanshme dhe profesionale, duke analizuar ndikimin që zhvillime të tilla mund të kenë mbi prodhuesit vendorë dhe tregun e qumështit në Kosovë.
