Korporata amerikane e teknologjisë Google njoftoi këtë të enjte se do të investojë dy miliardë dollarë në ndërtimin e një qendre të dhënash dhe infrastrukturës cloud në Malajzi.
Qendra e të dhënave do të fuqizojë shërbimet dixhitale të Google si Search, Maps dhe Workspace, ndërsa kompanitë në sektorin privat dhe publik të Malajzisë do të jenë në gjendje të përdorin shërbimet e kompjuterit cloud, raporton CNN (CNBC).
Google ka lançuar gjithashtu dy programe arsimore për mësues dhe studentë të cilët do të marrin njohuritë bazë për inteligjencën artificiale.
Këto investime dhe programe pritet të kontribuojnë më shumë se 3.2 miliardë dollarë në PBB-në e Malajzisë dhe të mbështesin 26,500 vende pune deri në vitin 2030.
Azia Juglindore po bëhet një vend shumë tërheqës për kompanitë e teknologjisë për të investuar.
Microsoft njoftoi në fillim të këtij muaji se do të investonte 2.2 miliardë dollarë në Malajzi për të përmirësuar shërbimet e kompjuterit cloud dhe shtoi se do të investonte gjithashtu në Indonezi dhe Tajlandë këtë vit./abcnews.al
