Ish zyrtari i lartë amerikan Richard Grenell që dikur ishte i dërguar i posaçëm për dialogun Kosovë-Serbi s’u përmbajt në ngacmimin e diplomatit tani të lartë amerikan, këshilltarit në DASH, Derek Chollet, të cilin e thumboi se politikanët kosovarë po e sorollatin, transmeton Gazeta Metro.
Grenell në vazhdimësi ka pasur retorikë të ngjashme për administratën Biden rreth dialogut Kosovë-Serbi të cilën e akuzon për lënie në dorë rolin kryesor të procesit aleatëve europianë. Ankesë e ngjashme ishte për Grenell se po shpërfillte aleatët europianë dhe i minonte procesin me kritikat e tij të ashpra e publike.
“A ia përmende që zgjedhjet duhet shpallur? Po kërkesën për themelimin e Asociacionin e Komunave Serbe?
Fjalët tua bla bla bla… Këtë keni një vit që e thoni. Këtë kërkesë e kenë shtruar me 3 qershor.
Ata po ju shpërfillin”.
Presidentja Vjosa Osmani që ndodhet në New York për mbledhjen e OKB’së ku u takuan me zyrtarët e lartë amerikanë të përfshirë në procesin e dialogut, Gabriel Escobar dhe Derek Chollet.
Chollet kishte shkruar një njoftim formal e të shkurtër se kishin zhvilluar një diskutim të mirë rreth deeskalimit në Veri dhe nevojën për angazhim më të madh në dialogun e lehtësuar nga BE.