Bota e të famshmëve shqiptarë u trondit dje.
Pasdite, u bë i ditur lajmi se Mentor Palokaj, vëllai i reperit të njohur Unikkatil u gjet pa shenja jete në lagjen Arbëria në banesën ku jetonte.
Lajmi shokoi jo vetëm opinionin publik por edhe miqtë e tashmë të ndjerit, një pjesë e konsiderueshme e të cilëve, lajmin e morën vesh përmes portaleve.
Shkaku i vdekjes është ende i pakonfirmuar zyrtarisht. Çka dihet është se në vendin e ngjarjes janë gjetur substanca narkotike dhe armë zjarri.
Gruaja e Unikkatil është rrëfyer mbi vdekjen e papritur të Mentorit.
“Ti gjithmonë më falënderoje që solla në jetë Rronin, nipin tënd, personin që e doje më shumë nga të gjithë, sepse kështu vazhdimi i mbiemrit tënd ishte i siguruar”, tha ajo mes tjerash në prononcim, shkruan Prive.
