Anëtari i PDK-së, Përparim Gruda, njëherësh Koordinator i Departamentit për Drejtësi pranë kësaj partie, ka kritikuar qeverinë e Kosovës për dështimin në reformat në drejtësi.
Gruda në emisionin Debat Plus, ka shtruar pyetje hipotetike se “Çfarë i duhet më shumë një partie politike për ta reformuar sistemin e drejtësisë se sa t’i ipen 51% të votave, raporton Gazeta Online Veriu.info.
Ai ka thënë se politika zhvillohet brenda kornizës kushtetuese dhe se jashtë asaj nuk është politikë, andaj nuk kryen punë se sa përqind të votave merr.
Në mesin e argumenteve të shtruara Gruda ka thënë se në rastin e Asociacionit më 2015 Kushtetuesja ka thënë se duhet të themelohet Asociacioni duke i hequr pikat që bien ndesh me kushtetutën.
Ai ka kritikuar Kurtin i cili ka përmendur se çështjen e Asociacionit do ta dërgojë në Gjykatë Kushtetuese, duke thënë se në cilën gjykatë do ta dërgojë, në këtë që e shan, që e quan të kapur, dhe argumenti i dytë që përmend Gruda është se çfarë pret Kurti nga Kushtetuesja kur ajo e ka thënë fjalën e saj më 2015 duke precizuar se Asociacioni duhet të themelohet.
Ndiqeni debatin e plotë:
