Një shtëpi në fshatin Pridvoric të Leposaviqit është bërë cak i hajdutëve, të cilët kanë depërtuar me forcë brenda dhe kanë bërë vishkull tërë shtëpinë, duke demoluar orenditë dhe duke marrë disa sende me vete.
Rasti ka ndodhur më 14 mars 2026 rreth orës 11:00, ndërkaq pronarja e shtëpisë S.K. është paraqitur në polici dhe ka njoftuar se shtëpia e saj ishte thyer nga persona të panjohur.
Sipas deklarimit të saj, banesa shfrytëzohet vetëm gjatë vikendeve, çka dyshohet se ka bërë që hajnat ta kenë më të lehtë të veprojnë pa u vënë re.
Në vendin e ngjarjes kanë dalë njësitë e hetimeve dhe krim-teknika, të cilat gjatë ekzaminimit kanë konstatuar se të dyshuarit kanë hyrë me forcë në shtëpi dhe kanë demoluar orenditë brenda saj.
Nga shtëpia janë vjedhur:
• Një palë dylbi,
• Një bateri portative (“aku dore”).
Lidhur me rastin është njoftuar prokurori kujdestar, ndërsa policia ka iniciuar rastin si “Vjedhje e rëndë”.
Hetimet për identifikimin e autorëve janë në zhvillim.
