Kryetari i Mitrovicës, Bedri Hamza, ka reaguar ashpër pas vendimit të sotëm të Gjykatës Speciale, që refuzoi mocionin e mbrojtjes për një pjesë të aktakuzës ndaj ish-udhëheqësve të UÇK-së.
Ai e ka cilësuar vendimin si “shumë zhgënjyes” dhe ka thënë se vendimet arbitrare të kësaj gjykate po e minojnë besimin e qytetarëve në drejtësi.
Hamza theksoi se Gjykata Speciale është krijuar si përgjigje ndaj kërkesës së aleatëve ndërkombëtarë, e jo për të shërbyer si mjet për realizimin e agjendave politike. “Kosova nuk do të lejojë që lufta për liri të komprometohet apo historia të rishkruhet në emër të një balancimi të rremë të drejtësisë”, ka shkruar ai.
