Kandidati i PDK-së për kryeministër, Bedri Hamza, ka vizituar familjet e ish-presidentit Hashim Thaçi dhe ish-kryeparlamentarit, Kadri Veseli në 4-vjetorin e arrestimit të tyre nga Gjykata Speciale. Hamza tha se nëntorët e viteve të fundit nuk janë si më parë, pasi sipas tij, Thaçi, Veseli dhe bashkëluftëtarët e tyre po i mungojnë Kosovës e familjeve të tyre.
“Sot i vizituam familjet e tyre, të cilat janë plot me shpresë, siç jemi edhe ne, që ky proces i stërzgjatur së shpejti do të marrë fund me konfirmimin e pastërtisë së luftës së UÇK-së dhe rikthimin e tyre në mesin tonë”, shkroi Hamza.Tutje, ai tha se sot më shumë se kurrë duhet të qëndrojnë të bashkuar për ta, për Kosovën dhe të ardhmen e popullit të saj.
