Ish-kryetari i Gjykatës Kushtetuese, Enver Hasni, ka vlerësuar se Gjykata Kushtetuese mund të operacionalizojë në shumë dimensione aktgjykimin në rastin KO124/25,e saj.
Ai ka treguar se Kushtetuesja se cilat janë pasojat nëse nuk konstituohet Kuvendit brenda afatit të përcaktuar.
Sipas gjykata mund të përfshinë edhe decertifikimin.
“Afati juridik që nuk prodhon pasojë është absurd. Kjo ka qenë gabimi më i madh i Kushtetueses. Duhej që në pjesën operative të specifikohej qartë se çfarë veprimesh duhet të pasojnë. Gjykata Kushtetuese mund të operacionalizojë shumë dimensione dhe të thotë: ‘Kjo është pasojë, ajo është pasojë’, përfshirë edhe decertifikimin. Kjo është e mundshme. Nëse caktohet decertifikimi, atëherë duhet të lokalizohet edhe shkelja dhe shkelësi i Kushtetutës. Gjykata duhet ta shterë këtë çështje duke u bazuar në arsyetimin e saj – po flas për gjykimin e fundit – dhe të adresojë prerogativën e partisë fituese të zgjedhjeve”, ka thënë ai në një intervistë për Kosovapress.
“Sepse ky problem do të rikthehet sa herë që vendi shkon në zgjedhje. Duhet të sqarohet nëse kjo është e drejtë kushtetuese apo thjesht një privilegj që mund të abuzohet pa fund. Nëse gjykata e sqaron këtë, mund të përcaktojë edhe kur humbet kjo e drejtë, dhe atëherë të çojë te decertifikimi – duke respektuar parimin e proporcionalitetit”, është shprehur Hasani.
