Ish-deputeti i PDK-së, Bekim Haxhiu ka komentuar situatën me ngërçin parlamentar në Kosovë.
Ai në emisionin “DPT te Fidani” tha se Lëvizja Vetëvendosje duhet të shkojë në opozitë.
“Pushteti duhet t’i kthehet sovranit, opozita nuk ka arritur ta bëjë shumicën parlamentare, partia e parë nuk ka arritur ta bëjë shumicën parlamentare”, deklaroi Haxhiu.
Duke folur për çështjen e insistimit të votimit të fshehtë nga ana e Lëvizjes Vetëvendosje për zgjedhjen e kryeparlamentarit, anëtari i PDK-së theksoi se qëllimi është që të shkohet njëkohësisht në dy palë zgjedhje.
“Duke mbajtur këtë bllokadë synimin e ka që të shkohet në zgjedhje nacionale dhe lokale sepse Albin Kurti edhe kur ka fituar 51 për qind, po atë vit ka dalë humbës në zgjedhjet lokale. Krejt kjo bllokadë e tij është bërë për këtë qëllim. Me 42 përqind në këto zgjedhje krahasuar me 51 në zgjedhjet e vitit 2021, frika e Albin Kurtit është që edhe këto komuna, katër që i ka pasë ka me i humbur”, shtoi Haxhiu.
