Në mbledhjen e rregullt të mbajtur dje (e enjte), Këshilli i Mediave të Shkruara të Kosovës nuk e ka miratuar (e ka hedhur poshtë) ankesën e Meka Sh.P.K, përfaqësuar nga avokati Sylejman Klinaku kundër Veriu.info për shkrimin me titull “Skandal: Kompanisë Meka qëpromovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella (Video)”, duke konstatuar se nuk është shkelur Kapitulli II i Kodit të Mediave të Shkruara të Kosovës, i cili ka të bëjë me raportimin e së vërtetës, ashtu siç pretendonte pala ankuese.
KMShK përmes një komunikate për media ka bërë te ditur se ka konstatuar se shkrimi i Veriu.info për këtë rast të kompanisë “Meka” Sh.P.K. me pronar Burim Piraj ishte profesional, i bazuar në dokumente zyrtare dhe nuk kishte shpifje, por ishte raportuar e vërteta, duke marrë vendim për hudhjen poshtë të ankesës.
Kjo ankesë e kompanisë “Meka” Sh.P.K. me pronar Burim Piraj ishte bërë pas publikimit të një artikulli me titull “SKANDAL: Kompanisë Meka që promovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella” nga Veriu.info në fund të muaj qershor, ku raportohej në detaje se si kësaj kompanie i ishte kapur mish pule me një bakter të rrezikshëm për shëndetin e njeriut të ardhur nga Rumania.
Ky artikull ishte publikuar në kuadër të hulumtimit të Veriu.info për kompanitë që kanë futur ose tentuar të fusin produkte ushqimore në tregun e Kosovës me përbërës të rrezikshëm.
Me rastin e publikimit të artikullit Veriu.info kishte publikuar edhe dokumente zyrtare të Agjencisë së Ushqimit dhe Veterinarisë, ku dëshmohej se mishi ishte inpektuar në deponë e kompanisë “Meka” Sh.P.K. dhe pasi që ishte konstatuar se ishte i infektuar me bakterinë e rrezikshëm ‘salmonella’, AUV kishte nxjerrë vendim me të cilin e urdhëronte kompaninë të bëntë asgjësimin e mishit ose ta kthente në vendin e origjinës, me ç’rast kompania e kishte kthyer në vendin e origjinës.
Më poshtë gjeni dy artikujt e publikuar përë këtë skandal në fund të muajin qershor 2025:
