Gazeta Online Veriu.info ka filluar serinë e publikimeve për kompanitë kosovare që kanë importuar apo tentuar të importojnë produkte ushqimore të kontaminuara më përbërës të rrezikshëm, deri tek përbërësit kancerogjen.
Dje kemi publikuar hulumtimin për kompaninë MEKA SHPK, e cila sipas vendimit të AUV-it kishte importuar hiq më pak se 20 tonë mish pule të kontaminuar me bakterin e rrezikshë salmonela, ku pas kësaj është detyruar të kthejë mbrapshtë ngarkesën për në shtetin e origjinës, në Rumani.
Ky raportim i Gazetës Online Veriu.info i bazuar mbi dokumentet e siguruara nga AUV (gjeni dokumentet KËTU), i ka penguar shumë pronarit të kompanisë “MEKA Food”, Burim Pirajt, i cili nuk ka kursyer akuza nga më të ndryshmet ndaj redaksisë, duke paralajmëruar edhe padi gjyqësore. Madje pretendimet e tij shkojnë përtej imagjinatës duke deklaruar se në hulumtimin e Veriu.info mund të jenë të implikuara dhe “agjencitë e huaja”.
Për hir të së vërtetës dhe raportimit të saktë për opionin publik, Veriu.info ka kërkuar detaje për rrjedhën e procesit në fjalë nga AUV.
Dhe ashtu siç kemi raportuar bazuar mbi dokumente, një gjë e tillë është konfirmuar sot edhe në përgjigjet me shkrim nga Agjension i Ushqimit dhe Veterinarisë në adresë të Gazetës.
AUV në përgjigjet me shkrim ka konfirmuar se ngarkesa e mishit të pulës e importuar nga Rumania në Kosovë nga kompania MEKA ka qenë e kontaminuar me bakterin Salmonella.
“Me datë 19.06.2024 Laboratori i Ushqimit dhe Veterinarisë ka lëshuar rezultatin me gjetje të bakteries Salmonella Spp. Me datë 21.06.2024 inspektori veterinarë i AUV-së zyra regjionale Prizren me procesverbal, ka lëshuar urdhëresën për operatorin ekonomik se ngarkesa nuk lejohet të përpunohet apo nxjerrët ne treg për konsum.” – thuhet në përgjigjen e AUV.
Agjensioni sqaron se kompanisë MEKA i është dhënë e drejta që ta kthejë mallin në vendin e origjinës ose të paraqes kërkesë për asgjësim.
“Kompania ka paraqitur kërkesën për kthim të malli ne vendin e origjinës, e cila është realizuar duke respektuar protokollet për kthim. Është plotësuar dokumentacioni nga ana e inspektorëve kompetent dhe ngarkesa me datë 13.08.2024 ka lëshuar territorin e Republikës se Kosovës ora 13:18 në piken kufitare Hani i Elezit.” – sqaron AUV për Veriu.info.
AUV ka konfirmuar se ngarkesa me mish ka qenë e bllokuar në depon e kompanisë MEKA nën monitorimin e trupave inspektuese.
“Gjatë krejt harkut kohorë të përmbushjes se të gjitha obligimeve ligjore të autoritetit, ngarkesa ka qen e bllokuar për qarkullim dhe nen monitorim të trupave inspektuese. Gjithmonë kur behet fjalë për produkte qe kërkon regjim frigoriferik të ruajtjes. Bllokimi i mallit bëhet ne depo ftohëse të operatorit, i cili është përgjegjës për ruajtje të mallit deri ne vendimin e plotfuqishëm për fatin e produktit. Ne ketë rast AUV ka përmbushur mandatin ligjore sipas detyra zyrtare” – thuhet në përgjigje.
