Deputeti i LDK-së, Avdullah Hoti, ka kritikuar preisdenten e vendit, Vjosa Osmani, duke thënë se dikur e quante Marrëveshjen e Uashingtonit cenim të rendit kushtetues dhe rrezik për shtetin, kurse sot pas 5 vitesh – e quan “marrëveshje të mirë” që sipas tij sot i shërben për lavdi të rreme.
Hoti përmes një postimi në Facebook ka shkruar se kjo nuk është asgjë e re nga Osmani, por vetëm hipokrizia e radhës e saj.
Ai tutje thotë se Osmani e Kurti e luftuan Marrëveshjen e Uashingtonit, sot po mundohen ta përvetësojnë.
Postimi i plotë:
Asgjë e re nga Osmani, vetem hipokrizi e radhës!
Osmani, që dikur e quante Marrëveshjen e Uashingtonit cenim të rendit kushtetues dhe rrezik për shtetin, sot – pas 5 vitesh – e quan “marrëveshje të mirë” dhe madje pretendon se “e kemi zbatuar”.
Kjo është ajo që ndodh kur fitimi dhe mbajtja e pushtetit bëhet më i rëndësishëm se interesi shtetëror. Marrëveshja që dikur e luftonte për vota, sot shërben për lavdi të rreme.
Jo, ti e Kurti nuk e keni zbatuar këtë marrëveshje. E keni luftuar atë. Tani po mundohi ta përvetësoni kur kanë ndryshuar rrethabat politike në SHBA. Ky është kulmi i mashtrimit politik.
