Deputeti i LDK-së, Avduallah Hoti ka reaguar pas mbledhjes së sotme të Kryesisë së Kuvendit e cila dështoi për shkak të mungesës së kuorumit.
Ai ka thënë se pas qeverisë edhe Kuvendit ka nisur me funksionim jokushtetuese.
“Me mbajtjen e mbledhjes së sotme të Kryesisë së Kuvendit, në mungesë të një nënkryetari, edhe Kuvendi i Kosovës nis funksionimin jokushtetues. Dy aktgjykimet e fundit të Gjykatës Kushtetuese dhe vetë Kushtetuta specifikojnë se Kuvendi i Kosovës konstituohet kur zgjidhet kryetari dhe nënkryetarët, duke mos lënë hapësirë interpretimi nëse ndonjëri nga nënkryetarët e Kuvendit nuk zgjidhet”, ka shkruat Hoti në Facebook.
Hoti ka kritikuar edhe presidenten Vjosa Osmani.
“Do të na kushtojë edhe fakti se kemi një presidente që nuk është dhe nuk ka qenë asnjëherë në krye të detyrës”, ka thënë Hoti.
