Ish-mesfushori kroat, Ivan Rakitiq ka komentuar zhvillimin dhe situatën aktuale të talentit të ri të Barcelonës, Lamine Yamal.
Në një deklaratë për media, Rakitiq u shpreh se Yamal do të përfitonte shumë nga prania e figurave me përvojë në skuadër, shkruan Indeksonline
“Unë mendoj se Lamine do të përfitonte nga pasja e një lideri si Carles Puyol, apo si Rakitiq ose Xavi Hernandez. Por nuk është e lehtë, sepse kur gjërat nuk shkojnë mirë, fajësojmë moshën e tij të re dhe kjo ndodh si kur gjërat janë të mira, ashtu edhe kur janë të këqija”.
Ai komentoi edhe deklaratat e fundit të lojtarit në konferencë për shtyp, duke i minimizuar ato:
“Këto janë gjëra të vogla, ku ne provokojmë njëri-tjetrin pak dhe askush nuk zemërohet. Ndodh gjithmonë, dhe nëse duket më qesharake apo më pak, varet nga këndvështrimi”.
Rakitic theksoi gjithashtu mungesën e një elementi të rëndësishëm në lojën e Yamal: “Mendoj se Lamine e ndjen mungesën e Raphinha-s.”
Sipas tij, roli i brazilianit është kyç për balancën në fushë:
“Ai gjithashtu luan një rol mbështetës për të, dhe natyrisht që i mungon kur nuk është aty. Gjëja më e rëndësishme është ajo që ai jep në fushë dhe Lamine ka dëshirë të madhe. Një lojtar si ai ka nevojë për këto gjëra, dhe jam i sigurt se do të japë gjithçka në fushë”.
Kujtojmë se sonte Barcelona synon rikthimin e rezultatit ndaj Atletico Madridit në UEFA Champions League./Indeksonline/
