Sipas Ibishit, këto plane për atentat ndaj Kurtit – sa ishte në Shkup – pasojnë nga mbledhja e Këshillit të Sigurimit në OKB dhe ndikimit që ka pasur kjo mbledhje.
Eksperti i çështjeve të sigurisë, Nuredin Ibishi, ka thënë se shërbimet e inteligjencës e kanë konfirmuar se ka pasur tentim-atentat ndaj kryeministrit, Albin Kurti dhe opozitar serb, Dragan Gjilas.
RTK: Plan për atentat ndaj kryeministrit Kurti
Sipas Ibishit, këto plane për atentat ndaj Kurtit – sa ishte në Shkup – pasojnë nga mbledhja e Këshillit të Sigurimit në OKB dhe ndikimit që ka pasur kjo mbledhje.
“Mirëpo një është deklarimi i policisë, mirëpo ata më shumë merren me manifestimin kur ndodh rasti, kurse shërbimet e inteligjencës e kanë konfirmuar se ka pasur plan për atentat ndaj kryeministrit dhe ndaj një lideri opozitar serb, Dragan Gjilas.
Vjen pas mbledhjes së Këshillit të Sigurimit, edhe impakti që pati gjithë ajo. Normal edhe qëndrimi me zbatimin e kushtetutshmërisë dhe ligjshmërisë në pjesën ligjore. Dhe ekstremistët serbë në bashkëpunim me uluradjathtistët maqedonas dhe prorusë kanë bërë përgatitjet e duhura… s’ka qenë një eskortë e zakonshme… kam pasur informacione se ka pasur tentonim për këto dy personalitete, Kurtin dhe opozitarin serb, që është në ndeshje të vazhdueshme për shkak të protestave ”, ka thënë Ibishi në “Rreth e Rrotull” të Dukagjinit.
Ibishi ka theksuar se janë në rrjedha të kërcënimeve që i bëhen lidershpit kosovar.
“Ne jemi në rrjedha të atyre kërcënimeve që bëhen ndaj lidershipit nga Kosovë nga ekstremistët serbë, direkt nga rrjete sociale. Por, edhe direkte, në kuptim të asaj që ato po përçohen në forma të ndryshme. Ka pasur kërcënime edhe ndaj kryeministrit edhe ministrit të Brendshëm e kryeparlamentarin… po edhe ata që janë kryetarë të komunave në veri, edhe për këtë ka pasur të dhëna të verifikuara”, ka shtuar më tej Ibishi.
Ndërsa, Ministria e Punëve të Brendshme e Maqedonisë së Veriut i ka mohuar raportimet e RTK-së se ka pasur tentim atentati ndaj Kurtit derisa ka qenë në vizitë në Shkup.
Ministria e Brendshme e Maqedonisë mohon se pati tentim atentati ndaj Kurtit
“Ju njoftojmë se gjatë vizitës së Kryeministrit të Republikës së Kosovës, Albin Kurti, në Shkup, nuk ka pasur asnjë tentim për vrasjen e tij. Sa i përket sigurisë gjatë vizitës së kryeministrit Kurti, ajo është e organizuar sipas rregullave të paracaktuara dhe vlerësimeve të sigurisë”, deklaroi Ministria e Punëve të Brendshme për Euronews-Albania.
