Kryetari i komunës së Vushtrrisë, Ferit Idrizi, ka reaguar pas ndërprerjeve të energjisë elektrike në këtë komunë, raporton Gazeta Online Veriu.info.
Idrizi ka thënë se është e papranueshme që qytetarët të mbesin pa energji elektrike deri në 8 orë.
“Kam kërkuar dhe kërkoj nga organet përgjegjëse që të ndërmerren veprime të menjëhershme për të siguruar furnizim të qëndrueshëm me energji elektrike në Vushtrri.” – shkruan Idrizi.
Postimi i plotë:
Reagim për ndërprerje të energjisë elektrike në Vushtrri
Me shqetësim të madh po e përcjell situatën me ndërprerjet e shpeshta dhe të gjatë të energjisë elektrike në qytetin e Vushtrrisë.
Në këto ditë festash dhe në këto ditë dimri, është e papranueshme që qytetarët të mbesin pa energji elektrike deri në 8 orë. Ndërprerja e energjisë elektrike po pengon edhe funksionimin normal të bizneseve të qytetit tonë, duke ju shkaktuar dëme të mëdha.
Kam kërkuar dhe kërkoj nga organet përgjegjëse që të ndërmerren veprime të menjëhershme për të siguruar furnizim të qëndrueshëm me energji elektrike në Vushtrri.
Ferit IDRIZI
Kryetar i Komunës së Vushtrrisë
