Kuvendi Komunal i Ferizajt ka anuluar dy vendime që i kishte marrë në mars 2025, për të cilat MAPL pas hulumtimit të Veriu.info kishte konstatuar se janë të kundërligjshme.
Në seancën e mbajtur sot Kuvendi Komunal i Ferizajt ka anuluar vendimin për shkarkimin e nënkryetarit të Komunës për komunitete, Danush Ademi.
Po ashtu në këtë seancë është anuluar edhe vendimi për emërimit e nënkryetarit për komunitete, Qazim Rrahmani.
Deri te anulumi i këtyre dy vendime nga Kuvendi Komunal i Ferizajt ka ardhur pas një hulumtimi të Veriu.info, ku gazeta kishte publikuar një artikull ku argumentohej se këto vendime ishin të kundërligjshme.
Kryetarit Aliu i shkarkohet dhe emërohet nënkryetari kundërligjshëm nga Kuvendi Komunal
Kjo pasi që Ligji për Vetëqeverisje Lokale thotë se propozimin për emërimin apo shkarkimin e nënkryetarit për komunitete e jep kryetari i komunës, përderisa në rastin e Ferizajt këto propozime i kishte dhënë asamblistja Pakize Bujani.
Veriu.info më pas i ishte drejtuar me pyetje Ministrisë së Administrimit të Pushtetit Lokal, e cila në një përgigje të dhënë për Veriu.info më datë 22 maj kishte konfirmuar se këto dy vendime të Kuvendit Komunal të Ferizajt janë të kundërligjshme.
“Vendimi 01.Nr.31 të datës 28.03.2025 për shkarkimin e Nënkryetarit të Komunës për Komunitetit në Komunën Ferizajt., nga MAPL është vlerësuar së është në kundërshtim me dispozitat e legjislacionit në fuqi”, thuhej ndër të tjera në përgjigjen e MAPL-së për Veriu.info.
Më pas Kuvendi Komunal i Ferizajt ishte vonuar në anulimin e këtyre dy vendimeve të kundërligjshme, pasi që në seancën e mbajtur në fund të muajit maj nuk i kishte hedhur në rend dite për anulim.
Por anulimi i këtyre dy vendimeve të kundërligjshme është bërë sot, por që aty ka ndodhur një situatë e sikletshme.
Sapo ka nisur diskutimi për anulimin e këtyre dy vendimeve të kundërligjshme, asamblisti i VV-së, Amir Rexhepi ka kërkuar fjalën dhe mënjëherë kryetari i Komunës së Ferizajt, Agim Aliu është ngritur me shpejtësi nga karriga dhe ka dalë jashtë.
Me anulimin e vendimit për shkarkimin e nënkryetarit për komunitete, Danush Ademi, i bie se ky duhet të rikthehet në detyrën e tij në komunë, përderisa nënkryetari Qazim Rrahmani duhet ta liroj pozitën e marrë.
Ndiqeni seancën e sotme nga minuta: 1:47:40
