Komuna e Mitrovicës ka bërë të ditur se Inspektorët Komunal të ndërtimit kanë pranuar informatë nga qytetarët se në rrugën kryesore “Ukshin Kovaqica” dhe në rrugën dytësore “Ehat Prekazi”, kompania ndërtimore “Ari Kompani” ka filluar punimet pa respektuar dispozitat ligjore për rrënim dhe duke rrezikuar jetën e qytetarëve dhe nxënësve që qarkullojnë në këtë zonë.
Pas kësaj informate, sot Inspekcioni Komunal ka dalë në terren dhe ka ndërmarrë të gjitha veprimet e nevojshme, duke filluar nga ndalimi i punimeve, shqiptimi i gjobave ndaj ndërtuesit dhe operatorit të rrënimit, e deri te konservimi i vendpunishtes – vendosja e shiritave.
“Shiritat nuk do të largohen deri në përmbushjen e të gjitha obligimeve sipas dispozitave ligjore”, thuhet në njoftimin e komunës.
