Punimet në ndërtimin e objekteve banesore në Skenderaj nga kompania “Andrra Invest” vazhdimisht po përcjellen me probleme, sidomos të natyrës ligjore.
Më 4 shtator inspektorët e Inspektoratit të Punës kanë ndaluar punimet e kësaj kompanie në një objekt banesor në Skenderaj, pasi që nuk janë marrë veprimet e duhura për të krijuar kushte te sigurta dhe të shendetshme për të punësuarit.
Në një përgjigje për Veriu.info zyrtari i Inspektoratit të Punës, Vesel Zhinopotoku ka bërë të ditur se këtij subjekti juridik i janë ndërprerë punimet.
“Inspektorati Qendror i Punës me datë 04.09.2024 ka bëre inspektimin tek subjekti Andrra Invest në vendëpunishten në Skenderaj dhe me raport zyrtar ka konstatuar se punëdhënësi nuk ka ndermarrë veprimet e duhura për të krijuar kushte te sigurta dhe të shendetshme për të punësuarit, andaj me vendim i ka ndaluar përkohësisht punimet, si dhe ditëve në vijim do të ndërmirren veprimet e parapara ligjore.”, ka thënë për Veriu.info Vesel Zhinipotoku, Drejtor i Departamentit për Planifikim Strategjik dhe Çështje ligjore në Inspektorati i Punës.
Ndryshe, Veriu.info kishte raportuar se Astrit Çitaku, pronar i “Andrra Invest” kishte kanosur një zyrtare të Inspektoratit të Punës pikërisht më 4 shtator 2024.
Pronari i “Andrra Invest” kanos inspektoren e Punës, policia inicion rast për këtë vepër penale