Inspektorati Policor i Kosovës (IPK) ka rekomanduar sot suspendimin e një punonjëseje të Policisë së Kosovës, e dyshuar për kryerjen e veprës penale “lëndim i lehtë trupor”, shkruan Gazeta Sinjali.
Incidenti, ku dyshohet të ketë qenë e përfshirë zyrtarja policore, ka ndodhur sot në Ferizaj.
Hetuesit e IPK-së kanë konsultuar Prokurorinë Themelore në Ferizaj dhe rasti po trajtohet në procedurë të rregullt. Sipas njoftimit zyrtar, hetuesit në koordinim me prokurorinë do të vazhdojnë veprimet hetimore për të sqaruar të gjitha rrethanat lidhur me këtë ngjarje.
